Testi i Personalizuar për Monitorimin e Kancerit
Signatera™ nga Natera është një test gjaku i personalizuar dhe shumë sensitiv që analizon ADN-në tumorale qarkulluese (ctDNA) për të zbuluar sëmundjen minimale reziduale (MRD) dhe për të monitoruar përgjigjen ndaj trajtimit dhe rrezikun e rikthimit të kancerit.
Ndryshe nga testet standarde të biomarkerëve, Signatera™ ndërtohet në mënyrë individuale për çdo pacient, duke përdorur profilin unik gjenetik të tumorit të tij.
Çfarë është MRD?
MRD – Molecular Residual Disease (Sëmundja Minimale Reziduale) i referohet pranisë së një sasie shumë të vogël të qelizave tumorale ose ADN-së tumorale që mund të mbetet në organizëm pas trajtimit, edhe kur nuk është e dukshme me metodat standarde të imazherisë.
Signatera™ kërkon gjurmë të ADN-së së tumorit në gjak për të ndihmuar mjekun të vlerësojë nëse ka prova molekulare të sëmundjes.
Si funksionon Signatera?
Signatera është një test tumor-informed, që do të thotë se testi personalizohet bazuar në karakteristikat gjenetike të tumorit të pacientit. Hapi 1 – Analiza e tumorit
Merret një mostër e indit tumoral, zakonisht nga materiali i ruajtur pas biopsisë ose ndërhyrjes kirurgjikale.
Nga tumori identifikohen ndryshimet gjenetike karakteristike të tij. Hapi 2 – Krijohet testi personal
Bazuar në këto ndryshime, krijohet një test i personalizuar që është specifik për tumorin e pacientit. Hapi 3 – Mostra e gjakut
Në vijim merret një mostër gjaku dhe analizohet për praninë e ctDNA, pra fragmenteve të ADN-së që vijnë nga tumori. Hapi 4 – Monitorimi në kohë
Testi mund të përsëritet gjatë trajtimit dhe ndjekjes për të parë nëse ADN-ja tumorale:
Kjo e bën Signatera™ veçanërisht të përshtatshëm për monitorim në seri, sipas planit të përcaktuar nga mjeku.
Çfarë është ctDNA?
ctDNA (circulating tumor DNA) janë fragmente të ADN-së që çlirohen nga qelizat tumorale dhe mund të gjenden në qarkullimin e gjakut.
Signatera™ kërkon ctDNA që përputhet me profilin unik të tumorit të pacientit.
Kjo e dallon atë nga testet që matin vetëm markerë të përgjithshëm të kancerit.
Për çfarë përdoret Signatera™?
Signatera™ mund të përdoret në disa momente të ndryshme të rrugëtimit të pacientit me kancer. 1. Pas kirurgjisë
Mund të ndihmojë në vlerësimin nëse ka prova molekulare të sëmundjes së mbetur pas ndërhyrjes. 2. Gjatë ose pas trajtimit
Mund të përdoret për të monitoruar ndryshimet e ctDNA dhe për të ofruar informacion shtesë mbi përgjigjen ndaj trajtimit. 3. Gjatë ndjekjes
Mund të përdoret për monitorim të përsëritur për të identifikuar shenja molekulare që mund të lidhen me rikthimin e sëmundjes. 4. Gjatë imunoterapisë
Signatera™ mund të përdoret si një mjet shtesë për të monitoruar ndryshimet e ctDNA gjatë trajtimit me imunoterapi.
Çfarë mund të tregojë rezultati?
Rezultat negativ
Një rezultat negativ do të thotë se ctDNA e tumorit nuk është detektuar në mostrën e gjakut në atë moment.
Në pacientët me sëmundje të hershme, një rezultat negativ mund të shoqërohet me një rrezik më të ulët të rikthimit krahasuar me pacientët me ctDNA të detektueshme.
Megjithatë, një rezultat negativ nuk garanton që kanceri nuk do të rikthehet dhe nuk përjashton plotësisht praninë e sëmundjes. Për këtë arsye, monitorimi i përsëritur mund të jetë i rëndësishëm.
Rezultat pozitiv
Një rezultat pozitiv do të thotë se ADN-ja tumorale është detektuar në gjak.
Në kontekstin e MRD, kjo mund të tregojë praninë e sëmundjes molekulare reziduale dhe mund të lidhet me një rrezik më të lartë të rikthimit në pacientët me kancer të stadit të hershëm.
Rezultati duhet të interpretohet gjithmonë nga mjeku së bashku me imazherinë, historinë klinike dhe analizat e tjera.
A e zëvendëson Signatera™ CT, MRI ose PET/CT?
Jo.
Signatera™ është një mjet shtesë për monitorimin molekular të sëmundjes dhe nuk zëvendëson ekzaminimet imazherike, analizat laboratorike, ekzaminimin klinik apo metodat e tjera standarde të ndjekjes.
Rezultatet e Signatera™ duhet të interpretohen së bashku me të gjitha të dhënat klinike të pacientit.
Për cilat lloje kanceri përdoret?
Signatera™ mund të përdoret në një gamë të gjerë kanceresh, në varësi të situatës klinike dhe qëllimit të testimit.
Natera liston përdorime përfshirë:
Përdorimi dhe interpretimi varen nga lloji i kancerit dhe situata specifike e pacientit.
Çfarë mostre nevojitet?
Për krijimin fillestar të testit personal të Signatera™, nevojitet material tumoral.
Më pas, monitorimi kryhet përmes mostrave të gjakut.
Për testimin fillestar, Natera kërkon material tumoral FFPE ose në preparate, së bashku me mostrat përkatëse të gjakut.
Sa kohë duhet për rezultatin?
Për testin fillestar, krijimi i testit të personalizuar kërkon zakonisht 3–4 javë pas marrjes së mostrave të tumorit dhe gjakut.
Testet pasuese të gjakut zakonisht kanë një kohë përgjigjeje prej 7–10 ditësh. Sa shpesh kryhet Signatera?
Frekuenca përcaktohet nga mjeku në varësi të:
Në disa raste Signatera™ kryhet rregullisht, shpesh në intervale rreth 3-mujore, por protokolli
Është një test gjaku i personalizuar, tumor-informed, që analizon ctDNA për vlerësimin e sëmundjes minimale reziduale dhe monitorimin e kancerit.
Është një test molekular i ADN-së tumorale, por nuk është një test i predispozicionit gjenetik të trashëguar si Empower™.
Monitorimi i Signatera™ kryhet me gjak, por për krijimin fillestar të testit personal nevojitet edhe material nga tumori.
Po. Signatera™ mund të përdoret pas kirurgjisë për vlerësimin e MRD dhe gjatë ndjekjes, sipas planit të mjekut.
Ndryshimet në nivelet e ctDNA në kohë mund t'i japin mjekut informacion shtesë mbi përgjigjen ndaj trajtimit.
Do të thotë se ctDNA e tumorit nuk është detektuar në atë mostër gjaku. Nuk garanton që kanceri nuk do të rikthehet.
Do të thotë se ctDNA e tumorit është detektuar. Në kontekstin e MRD, kjo mund të tregojë sëmundje molekulare reziduale dhe rrezik më të lartë rikthimi, në varësi të situatës klinike.
Jo. Ai është një mjet shtesë dhe duhet të përdoret së bashku me metodat e tjera të monitorimit.
Frekuenca përcaktohet nga mjeku. Në shumë raste mund të kryhet në mënyrë periodike gjatë ndjekjes.
Testi fillestar zakonisht kërkon rreth 3–4 javë, ndërsa testet pasuese të gjakut rreth 7–10 ditë.
Po. Altera™ dhe Signatera™ mund të porositen nga e njëjta mostër tumori.
Jo. Një rezultat negativ tregon se ctDNA nuk u detektua në atë moment dhe nuk garanton mungesën e ardhshme të sëmundjes. Monitorimi i vazhdueshëm mund të jetë i nevojshëm.
